Nakatalaan na makipag meeting si Presidente Ferdinand Marcos Jr. sa mga negosyante asin mamumuhunan sa Canada sa saiyang official visit.
Segun ki Palace Press Officer Claire Castro, kaibanan samga sektor na mapartisipar sa pag-oolay an pagmimina, information technology (IT), business process management (BPM), telekomunikasyon, nuclear energy asin serbisyong pinansyal.
Pinaglalaoman man na mapipirmahan an kasunduan sa enerhiya, natural resources, kalakalan asin pamumuhunan, labor asin immigration, siring man sa turismo asin kultura.
Makikipag-olay man si Presidente Marcos ki Canadian Prime Minister Mark Carney ngani na mapararom an relasyon kan Pilipinas asin Canada, kaibanan an kooperasyon sa depensa, seguridad, kalakalan, pamumuhunan, enerhiya asin iba pa.
Kaibanan man kan presidente si First Lady Liza Araneta-Marcos sa pakikipaghilingan sa Filipino community sa Vancouver.
