LEGAZPI CITY-Liwat na pinagtibay kan K-pop boy group SEVENTEEN member na si Joshua Hong an promisa kan saindang grupo na tawan nin tsansa an mga jovenes na magin creative sa paagi kan saindang kolaborasyon asin sarong talumpati sa UNESCO headquarters na isinagibo sa Paris.
Bilang kinatawan kan grupong SEVENTEEN asin kaenot-enoting UNESCO Goodwill Ambassador for Youth, tinalakay ni Joshua an pagigin parte kan mga youth leaders asin stakeholders sa paglansar kan Global Youth Grant Scheme na igwang temang “Going Together – For Youth Creativity and Well-Being.”
Nagpapasalamat man siya sa pagtanggap sa saiya asin sinabing sarong karangalan bilang saro sa 13 miembros kan SEVENTEEN na magin parte kan nabanggit na aktibidad.
Sinabi pa ni Joshua, na an inisyatibong ini kan UNESCO, dinisenyo ngani na matawanan an mga jovenes nin resources,mentorship, asin mga plataporma ngani gibohong makabuluhan an aksyon kan saindang mga ideya.
Enot na nakipagkoordinar an SEVENTEEN sa UNESCO kan Nobyembre 2023 asin nagin kaenot-enoting K-pop act na nagsagibo nin sarong espesyal na sesyon sa Youth Forum kan organisasyon.
