LEGAZPI CITY- Naka alerto ngunyan an Coast Guard District Bicol sa pagbabantay sa mga pantalan katakod kan huma kan pigbabantayan na low pressure area sa laog kan Philippine Area of Responsibility.
Segun ki Coast Guard District Bicol Spokesperson Lt. Junior Grade Alyzza Novie Bermal sa intrevista kan Bombo Radyo Legazpi na sa presente normal pa man an biyahe kan mga behikulong pandagat.
Ini huli ta nakabase suboot an suspensyon sa abiso kan state weather bureau dapit sa kamugtakan kan panahon asin sa aktwal na sitwasyon kan mga kadagatan sa rehiyon.
Sa ibong kaini, pinagdo doble ingat na an gabos sa saindang paglalayag.
Dugang pa ni Bermal na mahigot man an koordinasyon kan ahensya sa mga lokal na gobierno, pamayuhan kan mga pantalan, asin sa mga shipping lines ngani na masierto an seguridad kan mga biyahero.
