Pinag-aadalan ngunyan kan Department of Education (DepEd) an posibilidad na gibuhong mandatory an pagsasagibo nin bag inspections sa mga eskwelahan bilang parte kan pagpapakusog kan seguridad sa mga estudyante.
Ini an kasunod kan insidente nin pambabadil sa sarong eskwelahan sa Tacloban City na ikinagadan nin tulong estudyante asin ikinairido kan dakol na iba pa.
Sa pagdangog kan House Committee on Basic Education and Culture, sinabi ni DepEd Assistant Secretary Roger Masapol na antes an nasabing insidente, nagsasagibo sana nin bag inspections sa random na paagi.
Segun sa opisyal, kaibanan sa mga pigsasaalang alang kan ahensya an kadakulan kan populasyon kan lambang eskwelahan antes ipaotob an nasabing polisiya.
Paliwanag kaini na posibleng magin dakulang angat an mandatory bag inspections sa mga eskwelahan na igwang rinibong estudyante.
Bilang halimbawa, binanggit niya an Parañaque National High School na igwang poco mas o menos 14,000 estudyante.
Afuera sa mandatory bag inspections, pinag-aadalan man kan DepEd an iba pang lakdang ngani na mapakusog an seguridad sa mga eskwelahan, kabali an pagdugang nin entry asin exit lanes sa mga gate ngani na maparikas an paglaog kan mga estudyante asin an proseso kan inspeksyon.
