Makaka eksperyensya nin mapanganuron na kalangitan, kalat-kalat na mga pag-uran asin pagkikilat pagdaguldol an nagkapirang parte kan nacion ngunyan na Lunes huli sa low pressure area (LPA) na nasa laog kan Philippine Area of Responsibility (PAR).
Basado sa 3:00 a.m. weather bulletin kan Philippine Atmospheric, Geophysical and Astronomical Services Administration (PAGASA) namataan an LPA sa rayong 495 kilometro sirangan kan Surigao City, Surigao del Norte.
Alagad hibaba anposibilidad na magin maging tropical depression sa masunod na 24 oras, pinag-aantisiparan na magdadara ini nin pag-uran sa nagkapirang lugar sa nacion.
Segun sa state weather bureau, makaka eksperyensya nin mapanganuron na kalangitan na may kalat-kalat na pag-uran sa Visayas, Bicol Region, Caraga, Quezon, Oriental Mindoro, Marinduque, asin Romblon huli sa LPA.
Nagpatanid man an weather bureau sa posibilidad nin pagbaha asin pagrasay nin daga sa mga apektadong lugar huli sa moderato hasta sa minsanan namakusog na pag-uran.
