LEGAZPI CITY-Dakop an limang indibidwal asin na-dismantle an sarong drug den sa isinagibong buy-bust operation sa Barangay Ibingay, Masbate City.
Segun kay PDEA Bicol Public Information Officer Carlo Fernandez, sa intrevista kan Bombo Radyo Legazpi, na-dismantle an sarong drug den asin naarestar an limang high impact personalities.
Nabisto an mga ini na sinda alyas “Ricardo” alyas “Roel”, alyas “Ramon”, alyas “Teddy” asin si alyas “Rafael”.
Susog sa pulisya na magkakataraid ining barangay asin kadaklan digdi mga tricycle driver asin parasisira.
Nakumpiskar dihdi an nasa 10 gramos nin pinagtutubudang shabu na nagkakantidad nin P68,000, mga drug paraphernalia, asin non-drug evidence.
Makakasuhan an mga suspetchado basado sa section, 5, 6, 7, 11, 12 asin section 15 kan Article 2 kan Republic Act 9165.
