LEGAZPI CITY-Makikipag-koordinar an Daraga Municipal Police Station sa mga school heads ngani tugutan sindang mag-kondusir nin anti-bullying seminars sa mga estudyante kasunod kan nangyaring insidente nin pambabadil sa Tacloban City.
Segun kay Daraga Municipal Police Station Officer in Charge Police Lieutenant Colonel Mary Grace Tagtag, sa intrevista kan Bombo Radyo Legazpi na maliban sa saindang police presence sa mga eskwelahan asin kalsada, mas hihigotan ninda an police visibility sa laog asin luwas kan mga eskwelahan.
Makikipag-koordinar man sinda sa mga school administrator ngani makapagtao nin lecture manungod sa anti-bullying, anti-terrorism, asin kun pano maibitaran an magin biktima kan cybercrime, siring man an iba pang ley kun sain pigpo-protehiran an direchos kan mga estudyante.
Pangenot man na obheto kaini na pakusugon pa an seguridad sa Daraga sa mga eskwelahan sa paagi kan pagdagdag nin kapulisan ngani maibitaran an anumang insidente.
Afuera sa saindang deployment kan oplan balik-eskuwela kan Hunyo 8, 2026, mas papahigoton ninda ini sa mga eskwelahan sa munisipalidad.
