LEGAZPI CITY-Pigkokonsidera kan Department of Education (DepEd) an pambabadil sa eskwelahan sa Tacloban City bilang sarong isolated case.
Sinabi ni DepEd Undersecretary Malcolm Garma na ‘isolated case’ ini huli sa kadakol na numero kan mga eskwelahan sa nacion.
Aminado man an opisyal kan DepEd na dakul na mga eskwelahan sa nacion an kaipuhan na pakusugon an saindang seguridad.
Plano kan ahensya na makipagkoordinar sa Philippine National Police (PNP), barangay officials, tanod asin mga community-based security groups ngani maibitaran an kaparehong mga insidente.
An pagpakusog kan seguridad kan eskwelahan nakadepende man suboot sa kadakulaan asin numero kan mga estudyante.
Enot na man na ipigsugo ni Presidente Ferdinand Marcos Jr. na magkaigwa nin mahiwas na imbestigasyon sa nangyaring shooting incident.
