Nagpatanid si U.S. President Donald Trump na liwat na magsasagibo nin military action an Estados Unidos sa Iran kun magmamatagas ini na buksan an Strait of Hormuz, sarong pangenot na ruta na pig-aagihan nin langis asin kalakal sa kinaban.
Ginibo ni Trump an pahayag makalihis i-anunsyar kan Iran an posibilidad kan pagsasarado kan Strait of Hormuz.
Segun sa Iran na dae naootob kan Estados Unidos an mga promesa kaini katakod kan pagpapapundo kan giyera sa Lebanon, rason ngani na dae muna sinda magka olay dapit sa mga sensitibong isyu siring kan saindang nuclear program.
Sa ibong kaini, pinangenotan ni US Vice President JD Vance an pakikipag olay sa mga opisyal kan Iran, sa tabang kan mga mediator hali sa Qatar asin Pakistan.
Tinawan duon niya na mawot man liwat ni Trump na magkaigwa nin bagong pag-oolay sa relasyon kan Estados Unidos asin sa mga namamanwaan kan Iran.
Napag-araman na dae nagkaigwa nin anuman na joint appearance an mga representante kan duwang nacion.
Nakipaghilingan sana si Iranian Foreign Minister Abbas Araqchi sa saro sa mga mediator na si Shehbaz Sharif, alagad dae ini nakipag olay ni Vance.
Nanindugan man an Tehran na dae mausad sa masunod na yugto kan negosasyon, kaibanan an mga orolay sa nuclear program hasta sa dae napupundo an lab anan sa Lebanon asin dae nareresibe an mga ipig promesa na benepisyo sa ekonomiya kan nacion.
