LEGAZPI CITY-Nagtetenir na halangkaw an aktibidad kan hasta ngonian Bulkang Mayon, makalihis an enot na pagtuga kaini kan Enero sa presenteng taon.
Basado sa datos kan Philippine Institute of Volcanology and Seismology (Phivolcs) nasa alert level 2 an bulkang Mayon.
Padagos man liwat an pagdaloy kan lava kaini sa tulong gullies, kun sain nasa 3.8 km sa Basud gully, 3.2 km sa Bonga gully asin 1.6 km sa Mi-isi gully.
Nakapagrehistro man an ahensya nin 245 Rockfall events, 6 volcanic earthquakes kaiba an 2 volcanic tremors.
Padagos man an pagbuga kan Mayon nin Sulfur Dioxide na nagaabot sa 1, 549 tonelada sa kada aldaw poon kan Hunyo 20.
Huli digdi, mahigot man liwat an patanid kan Phivolcs sa publiko na likayan an paglaog sa 6km permanent danger zone.
