LEGAZPI CITY-Ipighayag ni Senator Risa Hontiveros na seryoso man giraray siya na pinag-iisipan an posibilidad na magkandidato bilang Presidente sa Election 2028, mantang pighahalat pa an magigin desisyon kan saiyang hanay asin mga kaalyadong grupo.
Sa sarong press conference kan Biyernes, Hunyo 19, sinabi ni Hontiveros na bukas siya sa pagkandidato kun siya an mapipili bilang kandidato kan United Opposition.
Pinasalamatan kan senador an mga kamakailang inisyatiba kan Akbayan Partylist asin iba pang grupo na naglansar nin programang igwang temang “Risa Na!” bilang pagpapahiling nin suporta sa saiyang posibleng kandidatura.
Dagdag pa niya, laoman na makabilog nin pagkakasararo an saindang grupo bago matapod an 2026 o sa enot na parte kan 2027 ngani matukoy kun sisay an magigin standard bearer.
Mientras tanto, naenot nang nag-anunsyo si Vice President Sara Duterte kan Pebrero 18, 2026 kan saiyang intensyon na magin kandidato bilang Presidente sa 2028 elections.
