LEGAZPI CITY-Niyugo kan magnitude 5.3 na linog an kadagatang sakop kan timog-silangan kan Governor Generoso, Davao Oriental bandang maagahon ngonian na aldaw nin Biyernes, susog sa Philippine Institute of Volcanology and Seismology (PHIVOLCS).
Nairehistro an pagyugo bandang alas 12:34 nin maagahon asin an tectonic an pinoonan kaini na igwang rarom na dai mababa sa 10 kilometro.
Namatean an Intensity kaini sa mga minasunod na lugar:
Intensity III – Malungon, Saranganis
Intensity II – City of Digos, Dvao Del Sur; Santa Maria, Davao Oriental; Malapatan, Sarangani
Intensity I – Matanao, Davao Del Sur; Tupi, South Cotabato
Susog sa PHIVOLCS, wara man na danyos gikan sa linog alagad posible pa man giraray na makaeksperyensya nin mga aftershock sa mga masunod na oras o aldaw.
Padagos man na pigpapagirumduman an publiko na magtenir na alerto asin magsunod sa mga abiso kan mga awtoridad enkaso magkaigwa nin kasunod na pagyugo.
