Nagkaolay sinda Presidente Ferdinand R. Marcos Jr. asin Russian President Vladimir Putin sa sideline kan ASEAN-Russia Commemorative Summit ngani na tukaron an pagpapahewas kan kooperasyon sa kalakaran, enerhiya, agrikultura, asin seguridad sa pagkaon.
Tinawan duon ni Presidente Marcos an importansya kan regular na konsultasyon sa pagultangan kan duwang nacion asin sinabi na dakol pang pwedesir na pagtabangan, urog na sa enerhiya asin seguridad sa pagkaon.
Bilang chairman kan ASEAN, inimbitaran man ni Presidente Marcos si Presidente Putin sa ika-21 East Asia Summit na gigibuhon sa Manila sa Nobyembre.
Mientras tanto, sa lado man ni President Putin tinawan duon kaini na igwang pusog na tradisyon kan pagrespeto asin magigin mag-amigo an Pilipinas asin Russia.
Binanggit man kaini an potensyal para sa mas mahewas na kooperasyon sa kalakalan, agrikultura asin enerhiya.
An nasabing meeting an ginibo kasabay kan pagkomemorar kan ika-50 anibersaryo kan diplomatikong relasyon kan Pilipinas asin Russia.
Binanggit man na kan nakalihis na taon, luminagpas sa kabangang bilyong dolyar an kantidad kan bilateral trade kan duwang nacion.
Dagdag pa ni Putin na igwa man na mga existing cooperation mechanisms an Pilipinas asin Russia, kaibanan an Joint Russia-Philippines Commission on Trade and Economic Cooperation, na pwedesir na magserbing dalan ngani na mas mapahewas pa an kooperasyon na pang ekonomiya kan duwang nacion.
