LEGAZPI CITY—Posible suboot na matapos na an ‘political dispute’ sa kun siisay an tunay na lider sa Senado kasunod kan pagkakaelihir ni Senator Win Gatchalian bilang bagong Senate President.
Segun sa sarong political analyst Prof. Dennis Coronacion, sa intrevista kan Bombo Radyo Legazpi, ini an huli na man sa nagkapirang aldaw na nakabinbin na mga kahaputan kun sain nagkakaigwa nin legal theory na nagsusuporta sa mag-inibong na lado sa laog kan Senado.
Sa saiya man na teorya na kaya naglipat suboot si Senator Joel Villanueva sa majorty bloc an huli sa kaya kan mayorya na matao an saiyang pighahagad.
Mientrastanto, sinabi man ni Concepcion na bako saiya katangga-tanggap na mangenot si Senator Chiz Escudero sa impeachment trial ni Vice Presidente Sara Duterte huli sa kan ini pa an Senate President kan nakalihis na taon an siya an nagin rason kun nata na-dismiss an articles of impeachment kontra sa bise presidente.
Alagad sa ibong kan nagin desisyon naglalaom man ini na magagampanan nin maayos ni Escudero an pagiging presiding officer sa impeachment trial ni VP Sara.
