Ibinalik kan Department of Justice (DOJ) sa Criminal Investigation and Detection Group (CIDG) ang reklamong obstruction of justice laban kay Senador Robin Padilla katakod kan paghali ni Senador Ronald “Bato” dela Rosa sa Senado kan Mayo 14.
Segun ki Justice Secretary Fredderick Vida naghagad an nag-iimbestigang prosecutor kan kadugangang dokumento asin sinumpaang salaysay hale sa pirang indibidwal na imbuelto sa kaso.
Mantang nagpadara man an DOJ nin sarong liham kay Atty. Jimmy Bondoc, abogado ni Dela Rosa, nganing maghagad nin paglilinaw sa pirang pahayag kaini katakod kan pagpapaotob nin warrant of arrest laban sa senador.
Nahahampang si Dela Rosa sa warrant of arrest hale sa International Criminal Court (ICC), na in-unseal kan Mayo 11 kasabay kan saiyang paglitaw sa Senado makalihis an pirang buloan na pag-absent. Isinairarom siya sa protective custody alagad kalaunan an naghale kan Mayo 14, pirang oras makalihis an insidente sa edificio.
