Pinaghahanap na kan National Bureau of Investigation (NBI) an mga nasa likod kan pag-hack sa nagkapirang government websites sa nacion.
Segun ki NBI Director Melvin Matibag, natukoy na ninda an mga tawong posibleng imbwelto sa insidente asin papanimbagon an mga ini sa ley.
Sinabi kan ahensya na idadagos ninda an imbestigasyon asin papanimbagon an mga responsable huli ta malinaw na igwang mga pagbayolar sa ley an saindang mga ginibo.
Enot kaini, sarong grupo na Nullsec Philippines an nag-ako kan pag-hack asin pagbabago kan nagkapirang parte kan website kan gobierno.
Igwa man suboot ining iwinalat na mensahe nin patanid asin pagbatikos sa Senado.
Mientras tanto, inihayag man kan websitekan House of Representatives na nabiktima ini nin kaparehong cyber attack, kun sain igwang mensahe na nagtutuyaw dapit sa isyu nin korapsyon asin kumpiyansa kan publiko.
Nilinaw man kan Cybercrime Investigation and Coordinating Center (CICC) na warang sensitibong impormasyon na nakuwang data kan mga hacker.
