LEGAZPI CITY-Nasungkit kan New York Knicks an 2026 NBA Championship title makalihis na daogon an San Antonio Spurs, sa score na 94-90 sa Game 5 kan NBA Finals.
Tinapos kan Knicks an serye sa 4-1 asin nanggana kan saindang enot na titulo sa laog nin 53 taon.
Nagin mahigot an laban sa pag-ultanan kan duwang club, alagad an Knicks nakapagkontrol kan huring mga minuto kan laro ngani mamantenir an saindang bentahe.
Dai man nagpahudyan an Spurs, alagad kinapos sa saindang paghabol sa ikaapat na kwarter.
Kumamada man nin 45 points si Jalen Brunson, 3 rebounds asin 3 assists mantang nag-ambag sina Josh Hart nin 13 points asin 11 rebounds, siring man si Mikal Bridges na igwang 14 points.
Nagin difisil para sa New York Knicks an enot na kwarter makalihis matamaan nin 10 points sa score na 23-13.
Alagad tulos na nakabawi an Knicks sa ikaduwang kwarter asin naibaba an kalamangan sa 5.
Nagin dukot man an laban sa pagsapit kan ikatulong kwarter.
Uminabante an Knicks sa huring kwarter kan kawat asin an Spurs nakipaglaban na idepensa ini.
Sa katapusan kan kawat, an Knicks nakapuntos nin 29 puntos asin nakuwa an kampeonato.
Liwat na nasungkit kan New York an Larry O’Brien Trophy kun saen tinanghal naman na Most Valuable Player (MVP) si Brunson.
Natapos an saindang halawig na paghahalat ngani liwat na masungkit an titulo bilang NBA champion ngonian na taon.
