LEGAZPI CITY- Nakapagrehistro nin apat na pyroclastic density current o uson sa bulkang Mayon sa nakalihis na magdamlag, basado sa monitoring kan Philippine Institute of Volcanology and Seismology.
Afuera digdi, igwa man nin nasa 362 rockfall sa nasabing bulkan.
Nasa 24 na volcanic earthquakes man an nairehistro kan ahensya, kaibanan na an walong volcanic tremors na nagdurar nin saro hasta 23 minuto an lawig.
Nasukol man an nasa 1,452 tonelada nin sulfur dioxide na nairehistro kan Hunyo 12.
Marurumduman na hasta sa ngunyan, nagtetenir man liwat sa alert level 3 an bulkang Mayon, kaya mahigot ining pigbabantayan kan mga otoridad.
Pigpapa ibitar man an publiko sa paglaog sa 6km radius permanent danger zone kan bulkan.
