Tinawan duon kan Iran na wara pa ining pinal na desisyon sa sarong posibleng kasunduan na obhetong matapos an tensyon sa Middle East, kaibanan an pahayag ni U.S. President Donald Trump na pwedesir na mapirmahan an sarong deal sa laog nin nagkapirang aldaw.
Pinahimutikan man kan Iran an ideya na tapos na an orolay.
Segun ki Iranian foreign ministry spokesperson Esmaeil Baqaei na wara pa sindang desisyon sa anuman na kasunduan, alagad igwang mga parte kan teksyo na napagkasunduan na alagad nagpalyar ini huli sa mga bagong kondisyon na ipiglatag kan Estados Unidos.
Dugang pa kan Iranian state media, dae dapat na basta basta magtubod sa mga pahayag ni Trump hasta sa dae ini pigkukumpirmar kan Tehran.
Sa tahaw kan magkakasuway na pahayag, sinabi man ni Trump na naipaabot asin naaprubaran na suboot an mga detalye sa kasunduan sa pinakahalangkaw na liderato kan Iran asin kan mga kaalyado sa rehiyon, kaibanan an Israel.
