LEGAZPI CITY—-Arestado an Rank No. 6 Provincial Most Wanted kan Albay sa kinundusir na sarong joint law enforcement operation sa Tabaco City.
Binisto an akusado na si alyas “Mike,” sarong construction worker asin residente kan Bacacay, Albay.
Naarestar ini sa bisa kan duwang warrant of arrest na iniluwas kan Nobyembre 17, 2025.
Nahahampang an akusado sa pagbalgar sa Republic Act 9516 na may kinaaraman sa ilegal na pag
mamay-ari kan mga pampasabog, kun sain warang pigrekomendang piyansa; siring man an pagbalgar sa Comprehensive Law on Firearms and Ammunition o RA 10591, na may ipigtalaang piyansa na ₱100,000.00.
Ginibo an operasyon kan Tabaco City Police Station, Albay Maritime Police Station asin 2nd Provincial Mobile Force Company.
Sa presente, nasa kustodiya na kan Tabaco CPS ang akusado para sa magkakanigong disposisyon.
