LEGAZPI CITY- Matrayumpong naarestar kan mga otoridad an sarong 33-anyos na drug personality sa ikinasang buy-bust operation sa Castilla, Sorsogon.
Enot kaini, nagkondusir nin operasyon an pinagsarong pwersa kan Castilla Municipal Police Station asin Sorsogon Police Provincial Office Provincial Drug Enforcement Unit, sa koordinasyon sa Philippine Drug Enforcement Agency Regional Office V–Sorsogon Provincial Team.
Nakipag transaksyon an suspek sa sarong operatiba na nagsaginsagin na poseur buyer.
Na-recover man digdi an mga sachet nin pinagtutubudan na shabu na pigkakarkulong may street value na P7, 480.
An nasabing persona an tulos man na isinairarom sa dokumentasyon asin iba pang mga legal na proseso.
Mientras tanto, an mga na-recover na ebidensya an isusumiter sa Sorsogon Provincial Forensic Unit para sa laboratory examination.
