LEGAZPI CITY- In-activate na kan Police Regional Office V an KASUROG C.A.R.E. o an Crowd Management Advance Reactionary Force Engagement ngani na masierto na magigin matrangkilo asin organisaro an mga aktibidad na gigibuhon katakod kan pag obserbar kan ika-128 taon kan araw ng kalayaan.
Nasa kabilugan na 4,814 na mga kapulisan sa bilog na rehiyon an ipapalakop sa mga strategic areas, katabang an mga personahe hali sa support units asin stakeholders.
Parte kan inisyatiba na masierto na salbado asin magigin matrangkilo an mga pampublikong pagtiripon kasabay kan pagrumdom sa araw ng kalayaan.
Mientras tanto, sa ibong kan nasabing deployment, sinierto kan Police Regional Office V na magpapadagos an iba pang mga operasyon kan kapulisan sa nasabing peryodo.
Kaibanan sa mga ini an pinakusog na anti-criminality patrols, intelligence monitoring, cyber asin online surveillance, asin mga operasyon kontra sa mga wanted na persona.
