LEGAZPI CITY—Nagbantol sa lebel na 7.4% an inflation kan Bicol kan bulan nin Mayo 2026 kumpara sa 7.6% kan Abril 2026, susog sa datos kan Philippine Statistics Authority Bicol.
Segun sa pahayag ni PSA Bicol Director Cynthia Perdiz, an pangenot na rason sa pagbantol kan lebel kan inflation kan nakalihis na bulan kumpara kan Abril iyo an mabantol na paglangkaw kan presyo kan housing, water, electricity, gas and other fuels na may 9.7% inflation rate o may 58.9% share sa pagbaba kan pangkahalatan na inflation sa rehiyon.
Ikaduwa sa pagbantol kan lebel kan inflation an transport na may 15.8% inflation rate o may 38.7% share sa pagbaba kan pangkahalatan na inflation sa rehiyon.
Pangenot man sa nag-ambag sa overall sa inflation kan nakalihis na bulan an food and non-alcoholic beverages na may 5.7% inflation rate o 34.7% share sa pangkahalatang inflation sa Bicol.
Mantang ikaduwa sa commodity group na may pinakadakulang kontribusyon sa pangkahalatang inflation kan Mayo iyo an housing, water, housing, water, electricity, gas and other fuels na may 9.7% inflation rate o may 23.2% share.
Ikatulo an transport na may 15.8% inflation o may 18.4% share sa pangkahalatang inflation sa rehiyon.
Dugang kan opisyal na an pangenot na limang commodoties na nag-ambag sa overall inflation kan Mayo iyo an bagas, restaurants, cafe, and the like; rentals, gasolina asin Liquefied Petroleum Gas (LPG).
Mientrastanto, nairehistro man an pinakahalangkaw na inflation sa provincia kan Camarines Norte na may 8.6% inflation rate mantang an provincia kan Albay asin Catanduanes an may pinakahababa na parehong may 6.0% inflation rate.
