Ipigsugo kan Department of Justice (DOJ) sa National Bureau of Investigation (NBI) na imbestigaran an pagkagadan kan duwang Ateneo de Manila University basketball players na sinda Rene Baterbonia asin Divine Adili sa Dipaculao, Aurora.
Sa sarong pahayag, sinabi kan DOJ na dapat determinaran kan NBI kun igwang bastanteng basehan ngani na irekomendar an pagsusunad nin kaso.
Marurumduman na enot nang sinabi kan Ateneo na an nangyaring pagkalamos kan mga atleta an durante kan building activity.
Si Baterbonia, na dating Palarong Pambansa champion asin Most Valuable Player para sa Ateneo de Davao, an nakatalaan kuta na magpuon kan saiyang collegiate career sa Blue Eagles sa UAAP Season 89.
An 21-anyos man na si ADili an nagseserbi bilang foreign student-athlete kan Ateneo sa Season 88.
Mientras tanto, nagkokundusir na man nin suway na imbestigasyon an Police Regional Office 3 dapit sa insidente.
