Nagluwas sa datos kan Philippine Statistics Authority na nagdakula pa an numero kan mga Pilipino na warang trabaho kan Abril 2026.
Nasa 2.41 million na mga Pilipino an warang trabaho sa nasabing bulan, na mas halangkaw kumparar sa 2.06 million kan nakalihis na taon.
An nasabing datos an katumbas nin 4.7% na unemployment rate para sa April 2026, na mas halangkaw kumparar sa 4.1% sa kaparehong peryodo kan nakalihis na taon.
Nangangahulugan ini na 47 sa kada 1,000 na mga indibidwal sa labor force an warang trabaho o kabuhayan sa nasabing bulan.
Mientras tanto, para man sa mga presenteng igwang trabaho, nasa 7.41 million an nagmamawot nin dugang na oras o iba pang mapagkakakitaan na katumbas nin underemployment rate na nasa 15.2%.
