Tinawan duon ni Senator Alan Peter Cayetano na nagtetenir na solid an 12 mga senador sa saindang lado.
Ini an sa ibong kan mga haka-haka na igwang nagkapira na malipat sa presenteng Majority Bloc.
Marurumduman na enot nang luminipat sa ibong na lado si Senator Chiz Escudero, na naging susi sa pagbilog nin quorum sa sesyon kan Senado kan Hunyo 3 asin nagkaigwa nin pagbabago sa liderato kan Senado, kun sain nailehir si Senator Sherwin Gatchalian bilang Senate President Pro Tempore asin nagseserbing Acting Senate President.
Sa presente, nasa sampulo an aktibong Senador sa lado ni Cayetano, huli ta si Senator Jinggoy Estrada an nahahampang sa kasong plunder katakod kan maanomalyang flood control mantang si Senator Ronald dela Rosa man an nagtatago katakod kan kasong crimes against humanity
