Liwat na tinawan duon kan Malakanyang na an liderato ni Acting Senate President Win Gatchalian an pigbibisto kan ehekutibo.
Ini makalihis an propuesto kan kampo ni Senator Alan Peter Cayetano na sarong “interim arrangement” o paramientras na sistema sa pamamayo sa Senado ngani na maprotehiran an mga empleyado kaini sa tahaw kan kariribukan sa liderato.
Segun ki Presidential Communications Undersecretary Claire Castro na warang maidadarang matanos ngunyan an sairing na klaseng arrangement.
Nahahadit man an opisyal na mautro an nangyari sa House of Representatives kun sain dae nag-otob tulos si Cayetano sa term sharing agreement ninda ni Cong. Lord Allan Velasco.
Sa irarom kan propuesto na interim arrangement kan kampo ni Cayetano, magpapaotob nin “dual-signatory” o “joint-certification” mechanism o duwang pirma para sa mga disbursement, checks, vouchers, kontrata, asin iba pang importanteng dokumento na igwang kinaaraman sa operasyon kan Senado asin Impeachment Court.
