LEGAZPI CITY-Nagpagirumdom an Legazpi City Police Station sa publiko manungod sa bagong modus na “pangla-laslas” sa ciudad ngani sana makahabon.
Segun kay Legazpi City PNP Officer-in-Charge Chief of Police Police Lieutenant Colonel Arthur Tagtag, sa intrevista kan Bombo Radyo Legazpi na igwang biktima na nalaslasan nin bag asin natangay an kantidad na haros P50,000.
Padagos man an saindang imbestigasyon sa pinangyarihan kan insidente alagad wara pang nahihiling na aktibong CCTV sa area.
Dagdag pa kan opisyal na an biktima taga Rapu-Rapu Albay, asin an nakuang kwarta ipapadara kuta sa saiyang aki sa Maynila pang tuition fee.
Sinabi ni Tagtag na enot ining insidente kun sain igwang nalaslasan nin bag sa ciudad.
Nagpakalat na man sinda nin intel operatives sa nagkapirang lugar sa Legazpi asin pinagbabantayan na kun igwang mga ciudad.
Mientras tanto, dai man pighahale na posibleng maulit an siring na insidente kun kaya nag-deploy sinda nin mga tawohan orog na sa mga pigdadayong mga lugar.
