LEGAZPI CITY-Nakaeksperyensya liwat nin pagyugo an nagkapirang lugar sa Albay nin nasa magnitude 3.9 pasado alas-2:51 nin maagahon ngonian na aldaw nin Domingo, Hunyo 7.
Segun sa Philippine Institute of Volcanology and Seismology (Phivolcs), igwang rarom ini na nasa 8 kilometro asin nairehistro an lokasyon sa sirangan kan banwaan kan Sto. Domingo, Albay.
Pigkokonsidera ining aftershock makalihis an nangyaring magnitude 5.3 na pagyugo kan Hunyo 5, aldaw nin Biyernes, sa kaparehong lugar.
Nairehistro man an instrumental intensities kun sain namatean an Intensity III sa Legazpi City, Albay.
Intensity II naman sa Tabaco City, Albay asin sa Castilla, Sorsogon.
Susog sa ahensya na tectonic an pinag-poonan kan linog.
Sa presente, wara pang laoman na anumang danyos asin aftershocks sa mga lugar sa lalawigan.
