LEGAZPI CITY-Nagkondusir nin fogging operation an Barangay Council kan Padang, Legazpi City, makalihis an nairehistrong 3 residente na nag-positibo sa dengue.
Ini makalihis na mairehistro an 3 kaso sa sarong sitio sa nabanggit na barangay.
Segun kay Punong Barangay Harold Bembenuto sa intrevista kan Bombo Radyo Legazpi nag-mobilize sinda nin “Aksyon Barangay Kontra Degue” o ABAKADA bilang prone ngonian na tag-uran sa dengue asin bilang pag-antisipar kan kaligtasan kan mga estudyante sa pagbukas kan klase.
Kasunod kaini nagsagibo sinda nin bandilyo asin nagtarabang-tabang ngani mai-promotir an nasabing aktibidad.
Nagsagibo na man sinda nin clean-up drive asin implementation plan para sa “death threats kan dengue”.
Tinawan doon kan opisyal an importante ini ngani malikayan na maapektaran an mga namamanwaan, orog na an mga jovenes, asin mga hababa an immune system.
Sinabi ni Bembenuto na tulos ninda ining pigsugpo sa paagi kan clogging operation asin mga community orientation kaibanan an sanitary development office kun sain sinda sn nagpapalaganap kan good practice sa kampanya kontra dengue.
