LEGAZPI CITY- Pigkakarkulo na nasa 4.1 million na pensioners kan Social Security System Legazpi branch an pinaglalaoman namakikinabang sa amay na rollout kan 2nd tranche kan Pension Reform Program.
Segun ki Social Security System Legazpi Spokesperson Jeanette Mapa sa intrevista kan Bombo Radyo Legazpi na puon sa Hunyo 2026, mareresibe na an 10% na dugang sa pensyon kan mga retiree asin disability pensioners.
Para man sa mga survivor pensioners, makakaresibe sinda nin 5% na dugang sa pensyon.
Paliwanag kan opisyal na dapat na nakatalaan pa sa Setyembre sa presenteng taon an nasabiong dugang na pensyon alagad mas pinaamay ini ngani na makatabang sa mga pensioners na apektado kan paglangkaw kan inflation.
Nasa P6 billion an pondo na itinagama kan ahensya para sa bilog na nacion.
Sinabi ni Mapa na otomatiko na malaog an nasabing kantidad sa saindang mga credited bank accounts.
