LEGAPI CITY- Ipigsunad kan mga otoridad an sarong Search Warrant kontra sa sarong lalaki na residente kan Brgy. Cobo, Tabaco City, Albay.
An nasabing operasyon an nagresulta sa pagkaka arestar kan nasabing indibidwal.
Kan magkondusir kaya nin paghalughog an pinagsarong pwersa kan Tabaco City Police Station, 2nd Provincial Mobile Force Company, asin Albay Maritime Police Station nakumpiskar sa suspek an sarong caliber .22 revolver na igwang tulong bala.
Afuera digdi, na-recover man an apat na sachet kan pinagtutubudan na shabu.
Tulos man na nagsairarom an akusado sa legal na proseso.
Nahahampang ini sa kasong pagbayolar sa Republic Act No. 9165 o Comprehensive Dangerous Drugs Act of 2002 asin Republic Act No. 10591 o Comprehensive Firearms and Ammunition Regulation Act.
© Tabaco CPS
