Hasta alas-7 nin banggi na sana ngunyan na aldaw pwedesir na magsumiter si Vice President Sara Duterte nin pormal na kasimbagan sa Articles of Impeachment na ipigsunad kontra saiya.
Sa ipinaluwas na abiso kan Senado, sinabi ni Senate Secretary Jose Luis Montales na pwedesir na isumiter kan bise presidente an kasimbagan puon alas-8 ngunyan na aga hasta alas-7 nin bangga, personal man o sa paagi kan email.
Bilang paghahanda sa posibleng personal na pagsusumite kan dokumento, piglimitaran kan Senado ag access sa gabos na parte kan establishimento ngani na maibitaran an kariribukan o pagsusuksukan kan media.
Segun sa abiso na solamenteng mga otorisadong opisyal kan impeachment court asin mga miyembro kan legal team kan bise presidente sana an tutugutan na makalaog sa Office of the Senate Secretary kun sain reresibehon asin ipo-proseso an nasabing dokumento.
Ipinaliwanag kan Senado na kaipuhan an nasabing lakdang huli ta limitado an espasyo sa laog kan establishimento asin sa pinaglalaoman na dakol na media personnel na magko-cover sa pagsusumiter nin kasimbagan ni Vice President Duterte.
