LEGAZPI CITY—Posibleng makaeskperyensya nin maluya sagkod katamtamang pag-uuran an rehiyong Bicol ngunyan na weekend kawsa kan trough kan bagyong Domeng magin kan Habagat.
Segun ki Weather Specialist Ruth Pacala, sa intrevista kan Bombo Radyo Legazpi, piglalaoman na dae man marani sa kadagaan si Bagyong Domeng, alagad mahahatak kaini an Habagat ngunyan na weekend na pwedesir magpauran sa Western side kan nacion.
Mantang nasa Eastern side an Bicol an makakakaeksperyensya man liwat ini mapanganuron na kalangitan, na may kalat-kalat na pag-uuran, pagkikilat asin pagdagoldol huli kan nasabing weather systems urog na kan Habagat.
Tinawan-doon man ni Pacala na kun magpadagos asin dae maghiro an lokasyon kan bagyo an posibleng makakaekspreryensya nin pag-uuran sagkod sa aldaw nin Lunes, Hunyo 1.
Mientrastanto, piglalaoman man liwat na makusog pa an bagyong Domeng na maabot sa Typhoon category alagad dae man ini marani sa nacion.
