LEGAZPI CITY-Pinahimutikan ni Commission on Elections (Comelec) Chairman George Erwin Garcia an posibilidad na magkaigwa nin “no-election” scenario sa 2028 na suboot mapalawig sa termino ni Presidente Ferdinand Marcos Jr.
Ginibo ni Garcia an pahayag bilang kasimbagan ki Senador Imee Marcos mapadapit sa posibilidad na dae na magkakaigwa nin eleksyon sa 2028.
Segun sa pamayo kan Comelec, imposibleng mangyari ini huli ta malinaw na ipinagboboot kan Konstitusyon an pagsagibo nin pirilian.
Dugang pa kaini na nagpuon na an Comelec sa preparasyon para sa presidential elections dawa duwang taon pa bago ini gibohon.
Kaiba sa mga pinaga-adalan kan ahensya an automation kan pirilian, liwat na pagbubuaks kan voter registration, asin pagbalangkas kan mga rules asin guidelines para sa eleksyon.
Naenot nang pinahimutikan ni President Marcos an isyu kan “no-election scenario,” mantang inapod man ini kan Malacañang na sarong “diversionary tactic.”
