LEGAZPI CITY- Tinawan duon kan National Historical Commission of the Philippines (NHCP) an importansya kan National flag day, na pigo-obserbaran ngunyan na Mayo 28.
Ipigkokunsiderar ini bilang pambansang simbolo na enot na iwinagayway makalihis madaog kan Philippine Revolutionary Army an Spanish Forces sa Battle of Alapan sa Imus Cavite kan 1898.
Segun ki Historic Sites Development Officer II Eufemio Agbayani III sa intrevista kan Bombo Radyo Legazpi na an bandera kan Pilipinas an sagisag kan banwaan.
Ipigkokunsiderar an national flag bilang simbolo kan nasayunalismo.
Sa hampang kan dakol na mga angat sa presenteng panahon, nagpapagirumdom suboot an bandera na dakol na an mga napagtrayumpuhan kan nacion asin nakuwa an kasarinlan.
Mientras tanto, nahiling man sa presenteng panahon na magin an mga pribadong indibidwal asin pribadong establishimento an nakikisumaro na sa pagdi-display kan bandera bilang pakikisumaro sa flag days.
