Nakapagrehistro nin tulong pagbuga nin abo sa bulkang Kanlaon sa nakalihis na magdamlag, basado sa monitoring kan Philippine Institute of Volcanology and Seismology.
Nagdurar ini nin apat na minuto hasta 92 minuto an lawig.
Marurumduman na nakataas man liwat an alert level 2 sa bulkang Kanlaon na nangangahulugan nin posibilidad kan padagos na aktibidad kaini.
Afuera digdi, nagkaigwa man nin 16 volcanic earthquakes kaibanan na an sarong volcanic tremor.
Mientras tanto, nasa 1, 089 tonelada man nin sulfur dioxide an ibinuga kan bulkan kan Marso 26.
