Amay na natapos an kampanya ni Alex Eala sa French Open makalihis siyang daugon ni Iva Jovic sa straight sets, 6-4, 6-2, sa enot na round kan torneo kan Martes.
Madaling nakalamang si Jovic sa enot na set makalihis umabante sa 5-1 lead.
Nagibo pang makabawi ni Eala kan manggana sa tulong sunod na kawat ngani na mapasadit an agwat, alagad tulos man na nabawi ki Jovic an momentum ngani na dagos na makuwa an enot na set.
Sa ika-duwang set, si Eala an enot na nakapuntos antes nanggana sai Jovic sa nagsunod na duwang kawat.
Presenteng world no. 17 si Jovic na 18-anyos pa sana, mantang si Eala an nasa world no. 37 ranking.
Sa ibong kan pagkalaglag sa singles competition, manpapadagos si Eala sa doubles tournament kaibanan si Victoria Mboko sa clay-court Grand Slam.
