LEGAZPI CITY- Inihayag kan state weather bureau na malalaoman na an mga pag-uran sa masunod na mga bulan huli sa habagat.
Segun sa Weather Specialist na si Christian Allen Torevillas sa intrevista kan Bombo Radyo Legazpi na puon Hunyo hasta Agosto, igwang halangkaw na tsansa na magkaigwa nin mga thunderstorms sa rehiyong Bicol.
Pinag-aantisiparan man na sa masunod na mga semana, posibleng i-anunsyar na an pagpupuon kan tag-uran o an wet season.
Alagad sinabi kan opisyal na maski magkaigwa na nin mga pag-uran, posibleng makamati man liwat an nagkapirang parte kan Bicol region nin maalinsangan na panahon.
