Maduong kinondena kan Presidential Task Force on Media Security (PTFOMS) an pagadan ki Nestor Micator, 56-anyos, sarong news anchor asin komentarista sa sarong local radio station sa Pikit, Cotabato.
Basado sa imbestigasyon kan kapulisan, pauli na kuta an biktima kaibanan an saiyang agom lunad kan motorsiklo makalihis magbakal nin pagkaon sa Poblacion area sa Pikit, Cotabato, na pigkakarkulong 50 metros an rayo hali sa saindang harong.
Pag-abot sa pinangyarihan kan krimen, binadil si Micator sa payo nin duwang armadong lalaki na lunad kan motorsiklo.
Sa pahayag ni Executive Director Jose Torres Jr., sinabi kan PTFOMS na dapat tulos na imbestigaran an krimen asin papanimbagon an nasa likod kaini.
Dugang pa kan PTFOMS, an anumang kadahasan kontra sa mga mamamahayag an huma bako sana sa press freedom kundi maging sa diretsos kan publiko sa impormasyon.
