LEGAZPI CITY- Nagpagirumdom an sarong toxic watchdog group sa mga magurang na magin malikay sa pagbakal kan school supplies kan saindang mga kaakian.
Ini huli ta dakol man liwat namga school supplies an igwang nakakalason na kemikal, na peligroso para sa salud kan mga kaakian.
Katakod ini kan nakatalaan na naman na pagbubukas kan panibagong School Year asin pagbabalik sa eskwelahan kan mga estudyante sa masunod na bulan.
Segun ki BAN Toxics Campaigner Thony Dizon sa intrevista kan Bombo Radyo Legazpi na naglibot sa mga merkado asin mall an saindang grupo ngani na makuwa nin mga samples.
Kaibanan sa mga isinairarom sa pagasusuri an igwang halangkaw na amunto kan peligrosong mga kemikal siring led asin iba pa.
Kun mai-expose suboot an sarong aki sa mga nakakalason na kemikal sa laog nin halawig na panahon, posible ining magresulta sa negatibong epekto sa salud.
Mientras tanto, dagdag pa ni Dizon na dapat na siertuhon na an mga babakalon an nasuri kan mga magkakanigong ahensya de gobierno.
Dapat suboot na igwa ining magkakanigong labeling requirement siring kan manufacturer kan produkto asin paglalaag kan posibleng hazard.
