LEGAZPI CITY—Nagpatanid an Philippine Institute of Volcanology and Seismology sa publiko mapadapit sa huma kan lahar gikan sa bulkang Mayon partikularmente sa Mi-isi gully ngunyan na paparani an tag-uran sa nacion.
Segun ki PHIVOLCS Volcano Monitoring and Eruption Prediction Division Chief Mariton Bornas, sa intrevista kan Bombo Radyo Legazpi, na en kaso may magdaloy na steam flow o lahar sa Binaan channel sa Mi-isi gully an dae pa sierto kun sain na salog ini maagi.
Huli kaini kinakaipuhan na dapat bantayan asin reparuhon an Mi-isi asin Binaan channel asin en kaso na may mahiling na indikasyon na may bagong salog na pig-aagihan an dapat na i-report sa nasbaing ahensya.
En kaso kaya na may bagong manutaran na pagbabago sa pig-agihan kan tubig an mababago man an mga lugar na halangkaw an peligro sa lahar.
Abiso ni Bornas sa publiko an dae magpasiring sa mga deposito na natambak sa Mi-isi gully urog na ngunyan na mainit an deposito asin posible an secondary explosion pag nag-uuran.
