LEGAZPI CITY-Nagdeklarar nin Ebola outbreak sa Democratic Republic of Congo.
Maabot sa 246 na kaso an nairehistro kun sain igwang 65 na katawo an nagadan.
Segun sa Africa Centres for Disease Control and Prevention (Africa CDC), na kadaklan sa mga nagadan hale sa banwaan kan Mongwalu asin Rwampara, iyo an gold-mining na mga banwaan sa Ituri province.
Nagpaapod na sinda nin miting sa nagkapirang hararaning lugar kan Congo arog sa Uganda, South Sudan asin nagkapirang international partners ngani pag-olayan an mga prayoridad.
Kaiba sa mga pag-oolayan digdi, an response efforts asin cross-border surveillance.
Enot na nadiskubre an Ebola kan 1976 sa DR Congo na hale suboot sa mga paniki.
Ini na an pang-17 outbreak na nairehistro kan nasabing nakakagadan na helang sa nacion.
Segun sa World Health Organization (WHO) na wara pang bulong an Ebola sa nasabing helang kun sain an fatality rate kaini, nasa 50 percent.
