Sinabi ni National Bureau of Investigation (NBI) director Melvin Matibag na ipigkokunsiderar si Senator Robin Padilla bilang person of intrest dapit sa lokasyon ni Senator Ronald “Bato” dela Rosa.
Ini makalihis mai-report na si Sen. Padilla an nahiling na kaibanan ni Senator Dela Rosa.
Marurumduman na pasikreto na nahali sa Senado si Dela Rosa, sa tahaw kan posibleng pag-arestar digdi kasunod kan pagpapaluwas nin warrant of arrest kan International Criminal Court (ICC) katakod kan war on drugs kan nakalihis na administrasyon.
Sinabi ni Matibag na an lokasyon ni Dela Rosa an dapat na ihapot kinda Senator Padiila, Senate President Alan Peter Cayetano, asin maging sa Senate Sergeant-at-Arms.
Dagdag pa kan opisyal na nagsusunod ngunyan an NBI sa mga direktiba hali sa Department of Justice (DOJ) dapit sa isyu.
Dae man pighahali an posibilidad na ginamit an kariribukan asin putukan sa Senado ngani na malihis an atensyon asin makahali si Senator Dela Rosa.
