LEGAZPI CITY- Dakula an pasasalamat kan gobierno provincial kan Albay sa padagos na suporta kan Department of Social Welfare and Development (DSWD) para sa pagtataong asistensya sa mga apektado kan Mayon unrest.
Ini urog pang apat na bulan an aktibidad kan bulkang Mayon.
Segun ki Albay Governor Noel Rosal sa ipigkondusir na press briefing na kasabay kan pagbisita ni DSWD Secretary Rex Gatchalian, nakaresibe an provincia nin dugang na P65 million na magagamit para sa padagos na pagtatao kan pangangaipo kan mga apektadong residente.
Mientras tanto, sinabi kan gobernador na saro sa mga pinaghahandaan ngunyan iyo an posibilidad na i-ebakwar man an mga nasa 7km extended danger zone kun enkasong malala pa an sitwasyon kan bulkan.
Dakol kaya an nag-aagrangay na mga residente enkasong nagkakaigwa nin ashfall.
