LEGAZPI CITY-Padagos an pagbabarewas nin inumong kan Office of Civil Defense (OCD) Bicol sa mga naapektaran kan ashfall huli sa pag-alburuto kan Bulkang Mayon.
Segun kay OCD Bicol Spokesperson Gremil Naz, sa intrevista kan Bombo Radyo Legazpi na padagos an saindang response effort kaiba an ibang mga ahensya de gobierno asin local government unit sa Albay asin mga augmenting provinces arog kan Masbate asin Sorsogon.
Nakapagtao sinda nin drinking water partikular na sa Guinobatan asin Camalig sa saindang Mayon unit area.
Mientras tanto, sinabi kan opisyal na nasa 7 Milyon an kabilugang danyos sa Albay sa production loss o cost of damages kabale an mga livestocks.
Sinabi pa niya na importante na igwang mapagkukuwaan nin tubig an mga residente kun kaya padagos an mag response team sa pagsasagibo nin flushing activities.
Sa ngonian nakakatabang man suboot an pag-uuran sa lugar sa paglinig kan mga tinampo, alagad pigkakahaditan an posibleng lahar flow.
Abiso kan opisyal mga LGUs na linigon na an mga ini asin makipagkoordinar sa DPWH enkaso igwang lahar flow sa saindang lugar.
