LEGAZPI CITY—Padagos na nagsasagibo nin clearing operations sa banwaan kan Camalig, Albay makalihis an nangyaring ashfall sa lugar huli kan aktibidad kan bulkang Mayon.
Segun ki Camalig Mayor Caloy Baldo, sa intrevista kan Bombo Radyo Legazpi, inenot ninda an clearing operations sa mga national road huli sa kadakol digdi an nag-aaging mga behikulo, asin isusunod an mga katinampuhan sa mga barangay.
Nagtatarabangan na an mga residentes asin personahes kan ahensya de gobierno sa operasyon nganing maparikas an saindang trabaho.
Sa presente nasa 8,000 na mga pamilya an apektado kan pag-alburoto kan nasabing bulkan.
Pighayag man kan alkalde na sa ngunyan kinakaipuhan ninda an canned goods, mga pananom, magin an sigid asin samhod.
Mensahe kaini sa mga apektadong residentes na magdangog sa mga abiso kan mga otoridad para sa saindang sadiring kaligtasan.
