LEGAZPI CITY- Nangapudan an Teachers Dignity Coalition sa Department of Education (DepEd) na pag-adalan nin marhay kun kakayanon ba kan sistema an implementasyon kan Aral Program.
Ini an katakod kan mga reklamo na nareresibe hali sa mga paratukdo sa nacion.
Segun ki Teachers Dignity Coalition Chairperson Benjo Basas sa intrevista kan Bombo Radyo Legazpi na wara nin mga learning materials asin padifisilan nin pagkuwa nin mga tutors sa mga estudyante para sa nasabing programa.
Huli digdi, pigpipirit suboot an mga paratukdo na sinda an magsalo kan nasabing trabaho.
Dagdag pa kaini na igwang nakaabot na reklamo sainda na igwang mga paratukdo na pighahagadan nin ambag para sa pampa-sweldo sa mga magseserbing tutors sa mga estudyante.
Tinawan duon ni Basas na bako makatarungan an arog kaining mga bagay, urog pa na igwang budget allotment para sa nasabing Aral Program kan DepEd.
