Nagsasagibo nin evacuation an mga medic para sa duwang pasahero na nagpahiling nin sintomas kan hantavirus makalihis an pinagtutubudan na outbreak sa sarong luxury cruise ship na presenteng nagtetenir sa baybayon kan West Africa.
Pigkakarkulong nasa 150 katawo an nagtetenir sa nasabing mamahalon na cruise makalihis magadan an tulong pasahero.
Kumpwesto an casualty kan mag-agom na Dutch asin sarong German national, mantang igwang iba pa na mga nagkahelang.
Kaibanan digdi an sarong Briton na dinara sa South Africa para sa pagpapabulong.
An hantavirus an sarong bihirang helang na pwedesir na magkawsa nin malalang respiratory illness asin naipapasa sa paagi kan paros na may kontaminasyon hali sa ihi o ati kan kino.
Bako man ini madaling maipasa hali sa tawo pasiring sa kapwa tawo.
Segun sa World Health Organization na hibaba an peligro kaini sa mas mahewas na publiko asin dae kinakaipuhan nin travel restrictions.
Alagad bilang paglilikay, dae tinugutan kan Cape Verde na dumaong an Dutch-flagged na MV Hondius.
