LEGAZPI CITY-Nagpapadagos sa pagtatao nin asistensya an Office of the Civil Defense (OCD) Bicol sa mga banwaan na labing apektado kan mahiwasang ashfall.
Segun kay Office of the Civil Defense Bicol Spokesperson Gremil Naz, sa intrevista kan Bombo Radyo Legazpi na padagos an saindang response effort asin pagsasagibo nin debris clearing orog na sa Guinobatan, Albay.
Nakapagtao man sinda nin food asin non-food items sa mga local government units asin nakapag-padara nin water sanitation team sa lugar kun sain naapektaran an suplay kan tubig.
Nagin katuwang ninda digdi an ahensya de gobierno kan Albay asin Sorsogon, kun sain nakapag-padara man kan saindang mga tawohan.
Dagdag pa kan opisyal na padagos an pag-augment kan Department of Health (DOH) nin facemask sa LGUs, asin nakapag-barewas man sinda nin nasa 250 boxes kaini.
Afuera digdi, pinagpa-planuhan man kan Masbate asin Camarines Sur an pagpapadara nin asistensya.
Sa presente, nakatutok an ahensya sa pagsasagibo nin clearing operation asin nagpagirumdom sa gabos na pirmihang magdangog sa mga abiso asin magin alerto enkaso magkaigwa liwat nin kaparehong insidente
